عبرت الفنانة ميار الببلاوي عن غضبها من النبش في ماضيها والحديث الدائم عن مشاهدها التي صورتها في أعمالها الفنية السابقة قبل أن ترتدي الحجاب وتقرر اعتزال الفن، وذلك عبر صفحتها الخاصة بموقع التواصل الاجتماعي “فيسبوك”.

الفنانة ميار الببلاوي 

وكتبت: ” أنا مش هدافع عن نفسي ومش هقول إنى صح بس ربنا شاهد إنى بتكلم بعفوية ومبعرفش اتخابث ولا قصدي أي إساءة لأي حد من زملائي الليى بحبهم وبقدرهم وبعتز بأى عمل شاركتهم فيه طوال السنين اللى فاتت وأنا لا عاوزة أجيب سيرة الفيلم ولا المشهد ولا يشرفنى ونفسي أنسى والناس تنسى بس معرفش ليه بعد ٢٥سنه بينبشوا فى الماضى”.

 وتابعت: “في فنانات عاملين مئات الأفلام وفيها مشاهد نسأل الله المغفرة اشمعنى ميار اللى لازم تترجم وتتبهدل وكل اللى عاوز يعمل شو يبقى عليا أنا برفض كل يوم مقابلات في برامج لكن مروة صبري أخت زميلتى عبير وبحبهم هما الاثنين غير كده أنا حرمت أى مقابلة غير لما اعرف طبيعة الأسئلة، وهركز فى كل كلمة ومش هذكر أسماء ولا مواقف بس الصحفيين واليوتيورز يرحمونى من العناوين اللى ملهاش علاقة بالكلام اللى جوه الفيديو”.

وأضافت: “وبالنسبة للتريند اللى أنا عاوزه اركبه حد الله إنى اركب التريند بشتيمه الناس ليا وعلشان أكد لكم أنا محوله موبايلى ومبردش على أى صحفى، أنا نفسيتى تعبت وجالى اكتئاب وابنى مضايق جدا وأختى كده كفاية وبالنسبة لإنى بعمل كده علشان أنا اتنسيت وعندى حب للظهور قولوا اللى يعجبكم أنا ناجحة فى برنامجى ولله الحمد وراضيه بيه ولو جالى شغل فدا رزق أشكر عليه ربنا، مجاليش مش هلجأ للطرق الرخيصة دى علشان اشتغل وبالنسبه للميكب والرموش والضوافر حاضر هطلعلكم زومبى علشان أبقى كده واجهة للحجاب دا كل اللى عندى وأفوض أمرى الى الله ان الله بصير بالعباد”.

أقرأ أيضاً

تردد قناة الأهلي الجديد علي نايل سات 2023

نفى الفنان عمرو مصطفى اتهامه بأنه وراء انتشار تريند “في رمضان” عبر صفحة الفنانة الإنجليزية “إيمليا كلارك” على موقع التواصل الاجتماعي “فيس بوك”.

عمرو مصطفى يكشف سر كوميك صفحة “إيميليا كلارك” 

عمرو مصطفي

وقال أثناء استضافته عبر برنامج “حبر سري”: “أنا مليش في الكلام ده، مليش في الكلام ده، أنا أكبر من كده، لا لا، أقسم بالله العظيم أنا لا أعلم عن ده أو ده، هو أنا محتاج بروباجندا، هي جات من عند ربنا سبحانه وتعالى، هعمل ده فين، تليفون مين، لو ليا علاقة بالسوشيال ميديا، كانت دافعت عني في اللي بيحصل فيا، في ناس بتعمل فيديوهات علشان تحاربني، تطلع شكلي وحش، ناس تكتبلي على الفيس بوك، إنت بتغني ليه، إنت صوتك وحش، هو لو عندي جيش أو ناس بتوع سوشيال ميديا، مش هيسحنوا صورتي، وأد إيه عمرو عمل كذا، مش محتاج لده، سلاحي هو موسيقتي مش سوشيال ميديا، ده حركات الضعفاء”.

وتابع: “لما تيجي حاجة من عند ربنا حصلت خلاص، حصلت من عند ربنا، مش هقول من عند ربنا وأنا اللي عاملها، لإن أنت كده بتعمل ايه، بتقولي حاجة عن ربنا سبحانه وتعالى مش حقيقية، أنا بقولك ده من عند ربنا سبحانه وتعالى، طالما قولت كده خلاص تقفلت القصة كلها، لكن انهارده مش محتاج لده، ولما شوفت قعدت أضحك، مليش علاقة، فيك أكونت ولا مش فيك أكونت، قعدت أضحك، يعني الموضوع مكانش شاغلني قوي، لإني مركز في حاجة أعمق، اللي هي الموسيقي اللي جاية، هي دي كل تفكيري، ولما الحاجة دي حصلت، قولت الحمد لله أهو الناس بتضحك، طلعت هزرت مع ولادعامر، ومع ولادي، وخدت الموضوع بتهريج”.

عمرو مصطفى تريند مواقع التواصل الإجتماعي

وتصدر الفنان عمرو مصطفى تريند مواقع التواصل الإجتماعي، طوال شهر رمضان بسبب جملته الشهيرة “في رمضان”.

بالعودة لحلقة عمرو مصطفى مع الإبراشي، كان يعلّق على مشهد للفنانة عبير صبري في مسلسل “السيدة الأولى” عام 2014″.

وانتشر تعليق عمرو مصطفى “في رمضان” خلال الفترة الماضية على السوشيال ميديا، وتم استخدامه كـ”كوميكس” من قِبل الكثيرين للتعليق على العديد من المواقف الطريفة في شهر رمضان.

اقرأ أيضاً

عمرو مصطفى: “ويجز أنجح واحد السنادي”

أول تعليق من عمرو مصطفى على تريند “في رمضان”