ظهرت الفنانة فاطمة كشري في برنامج “خط أحمر” على شاشة قناة “الحدث”، ووجهت رسالة للفنان محمد رمضان، كما تحدثت عن سبب حبها للفن وطلبها الطلاق من زوجها لعملها في السينما والتلفزيون والمسرح.
فاطمة كشري أحبت السينما بسبب نور الشريف وفريد شوقي
نستعرض في هذا التقرير أبرز تصريحات كشري:
– حبيت السينما بسبب الفنانين نور الشريف وفريد شوقي.
– معنديش ولا أب ولا أخ، وأمي ربتنا بشقاها.
– كنت رايحة اشتري تلاجة، ولقيت الناس زحمة، بسألهم: “مين دول؟”، قالوا: “دول بتوع السينما”، وعرفت كل حاجة، ونزلت أول فيلم “صراع الأحفاد” مع الفنان نور الشريف.
– أول أجر أخدته كان 10 جنيه
– جوزي ضربني، قالهم: يا أنا يا هم، قولتله: هم، طلقني، مكانش بيشوفني، بشتغل ليل ونهار، بالليل مسرح وبالنهار أوردر تصوير أو اتنين.
– الكشري بتاع جوزي، ومسكته بعد وفاته، وكنتش شغاله معاه قبل ما اشتغل في السينما.
– اشتغلت تمرجية وفي المطار، وزهفت وتعبت، وبعت واشتريت عند بيتي، وربيت عيالي.
فاطمة كشري توجه رسالة للفنان محمد رمضان
– محمد رمضان مش جيل جديد، وشغال بقاله كذا سنة، وتسحل قبل كده وتبهدل وتعمل، وبيغير من نفسه وبيشتغل حلو، هو سبحان الله كان تعبان في حياته ومذلول وطلع بعد عذاب، وربنا كرمه، في ناس بتقول إنه محدث نعمة، لأ، هو عايز يتمتع بماله، بس اللي يشوف فيه نفسه حلو، يعمله، ميخليش حد يعدل عليه، هو بيفرح لما الناس بتجيب سيرته، بيتشهر أكتر، هو مش عايز شهرة، لو سابوه مع نفسه، هتلاقيه لامم نفسه، وقافل عليه بابه.
– ياريت أروح الجونة، ولو معايا حق الأتوبيس رايح جاي، حتى لو معايا حقه، هنام فين؟، واللي بيروحوا الجونة اللي لابسين.
– والفنانات بيلبسوا فساتين كده في المهرجانات غيرة من بعض، وبيلبسوه قبل ما يدفعوا للخياط.
أقرأ أيضاً
