لماذا سُجنت تحية كاريوكا؟… أول ما نبدأ به ما نُشر على لسان تحية كاريوكا من تفاصيل حياتها.. وننشره هنا كما روته للصحف والمجلات..
لماذا سُجنت تحية كاريوكا؟
لماذا سُجنت تحية كاريوكا؟
- عندما سألوني في قناة المستقبل عن الأغاني التي استمع لها، قلت لهم: غير عبد الحليم وأم كلثوم مبسمعش حد، انا قولت الحقيقة وكلمة الحق، انا اتحبست ايام عبد الناصر بعدما مشي محمد نجيب منشورات قلت فيها:”ذهب فاروق وجاء فواريق” وواحد وقتها قال لي: ده على عبد الناصر قلت له: إخرس، إحنا المصريين لما نحب نغسل غسيلنا بنغسله في بيتنا مش عند أي حد تاني، مش انتم اللى هتعملوا لينا كرامة، عبد الناصر كان عايز يعمل أمة عربية، لكن نصهم بيكرهونا”.
- “الفواريق” قصدت بها، إحنا المصريين، مجلس قيادة الثورة، كان فيه ضباط بيقصوا السجاد بتاع السرايا ويقسموه على بعض، فاروق كان واحد فقط، متخافش من الشبعان، جاف من الجعان لما يحكمك، الله يرحمه عز الدين ذو الفقار جه مره وقال لي: فيه واحدة تركية جاب لها جوزها نجفة في الجواز ولما جم عملوا جرد اخدوها قلت له: طز ما هم اخدوا حاجات كتير قال لي: بس الست دي عيانة وبتقول محدش هايجبلي النجفة غير “تحية” وانا كنت عارفة الراجل اللي عمل الجرد، المهم أخدت الست ورحنا بيته وأول م دخلنا البيت لقينا النجفة متعلقة في الصالة صرخت الست وقالت: اهي النجفة دي بتاعتي، قلت لها : اسكتي دلوقتي، ولما جه الراجل قلت له: فك النجفة ورجعها ليها تاني.
لماذا سُجنت تحية كاريوكا؟
- وانا دفعت فلوس، بيان فاورق وجاء فواريق، واتحبست 101 يوم بالتمام والكمال في زنزانة ذات بابين حديدين، كانت زنزانة رهيبة، وكان معي فيها ماجدة زوجة الشاعر كمال عبد الحليم وسميرة زوجة النائب البرلماني أحمد طه شقيق الشهيد عبد القادر طه الذي قتله الملك فاروق، وماري زوجة الكاتب اليساري سعد كامل، وأتذكر عدد من الوزراء كانوا معنا في تلك الفترة منهم فؤاد سراج الدين ومحمد صلاح الدين ورئيس الوزراء ابراهيم عبد الهادي.
لماذا سُجنت تحية كاريوكا؟
- والله العظيم ياما كنت اقول: عبد الناصر، لو كان يعقل، ويبص على مصر بس، هو كان ياحرام عنده أمل في دول، الوحدة راحت فين، راح فين غطا الدهب، بينهم وبين اليمن، الجنبه الدهب كان أعلى من الجنيه الورق خمسة تعريفة، دول بيكرهونا، أنا منساش يوم م كنا معزومين في السفارة العراقية على العشا وقعد جنبي واحد محامي أنا قلت له: أكيد مثقف ، بص لي وقال: ليه أنتم تبقوا القمة! قلت له: عشان أحنا أكتر منكم شوف إحنا كام وأنتم كام قال: آه بس منتوش مثقفين قلت : لأ لما تعمل تعداد للمثقفين عندنا، أنتوا تبقوا ولا حاجة.
- لما حد بيشتم مصر قدامي ما قدرش اسكت.
