كشفت الفنانة عايدة رياض كواليس فيلم “اللعب مع الكبار” الذي شاركت فيه مع الفنان عادل إمام، وذلك في حوار تلفزيوني.

الفنانة عايدة رياض 

قالت: “كنت عايز اشتغل معاه بأي شكل، ومرة كنت في البلاتوه قدامه، بصور فيلم الجبلاوي مع كمال الشناوي، وكان هو في البلاتوه التاني، وكان نفسي أكلمه، وأنا بتكسف، عايز أدخله ومترددة، فات يومين، في اليوم التالت، أنا طالعة رايحة الكانتين، لقيته واقف لابس البورنس البينك، قولت بس هي فرصة تبقى كده صدفه لوحدها”.

وأضافت: “قمت لافة، قولتله إزيك يا أستاذ عادل، عامل إيه؟، قالي أهلا يا عايدة؟، قولت كويس إنه عارف اسمي، بقيت مبسوطة، قالي على فكرة، شفتلك فيلم أحلام هند وكاميليا، قولتله بجد؟، قالي وعجبتيني جدا جدا، قولتله، طب يا أستاذ عادل، مش تديني الباسبور؟، هو ذات نفس مخدش باله، قولتله، الشغل مع حضرت يا أستاذ عادل، قالي، أول ما تيجي حاجة مناسبة، عنيا ليكي يا عايدة”.

واستكملت: “وفي فيلم اللعب مع الكبار، ضربني علقة جامدة، دي باينة جدا، شريف عرفة المخرج الجميل، أنا كنت رد فعل، الأستاذ عادل كان هو اللي بيقول المشهد، وعملنا بروفة كده خفيفة، وشريف عرفة، قال هتمشوا من هنا، والضرب هنا، وهيقف المشهد، عند ما يشيلني على الترابيزة، ففوجئت بعادل إمام بيديني بالدماغ، فإديته بالروسية، أنا كنت رياضية، المشهد علقة سخنة”.

يذكر أن آخر أعمال “عايدة رياض” مسلسل “اللي مالوش كبير”، رمضان 2021.

أقرأ أيضاً

“بحبه جدًا”.. عايدة رياض تكشف حقيقة زواجها من حسن شحاتة

كشفت الفنانة عايدة رياض حقيقة زواجها من حسن شحاتة، المدير الفني لمنتخب مصر، ونجم نادي الزمالك السابق.

الفنانة عايدة رياض 

قالت أثناء ظهورها في برنامج تلفزيوني: “الكابتن حسن شحاتة قيمة وقامة، وفرحنا كتير، وجبلنا بطولات هايلة وليها قيمتها، وفرح الوطن العربي، وهو إنسان خلوق ومحترم، وعمره بيغلط في حد، أنا سعيدة، إني هو أبو كريم وإسلام، وأنا طبعا خالة كريم، وعلاقتي بيه جميلة جدًا”.

وأضافت: “وبحبه زي أي حد، لكن طبعا هو زوج أختي، وإنسان جميل، وأنا بحبه جدًا بجد، وأتمنى له كل خير”.

واختمت: “وربنا يديله الصحة هو وعياله وأحفاده كمان”.

أقرأ أيضاً

مسلسلات رمضان2023.. أحمد السقا يتعاقد على عمل جديد ويؤجل “وزن الريشة”