كشف الدكتور نبيل عبد المقصود طبيب الفنانة شيرين عبد الوهاب حقيقة علاجها من الإدمان، وذلك أثناء لقائه في برنامج “عرب وود”.
طبيب الفنانة شيرين عبد الوهاب يكشف حقيقة علاجها من الإدمان
وقال نبيل عبد المقصود: “شيرين إنسانة محتاجة دعم جمهورها، وفي علاقة أسرية بتربطنا أنا كنت بسمع برضه، مكنتش بتدخل برضه الحقيقة، هي مطلبتش مني التدخل، لكن لما طلبت إني أتدخل وأساعدها، كان لازم أقف جنبها وأساعدها”.
وتابع: “موضوع مهرجان قرطاج ده كان له قصة، أنا مكنتش أعرف إني في مهرجان ولا حاجة، وبعدين سمعتها بتقول لمدير أعمالها، عايزين نعتذر عن المهرجان، فسألتها هو إيه الموضوع؟ فشرحلتي، فقولتلها لأ، تعتذري ليه؟، قالت، أنا مش جاهزة ومش حاسة إني هقدر أقابل الجمهور أو أغني، ده كان رأيها، أنا كان رأيي مخالف ليها تماما”.
طبيب الفنانة شيرين عبد الوهاب يكشف حقيقة علاجها من الإدمان
واستكمل طبيب شيرين عبد الوهاب: “هي كان ليها إرادة قوية، لإنها كانت عايزة تطلع، محتاجة بس حد يساعدها، يمسك إيدها، يسندها، دي واحدة عارفه إن عندها مشكلة، وعايزه تطلع منها؟ ومش عارفة تطلع منها إزاي؟، اللي عندها ده على فكرة، وكان ممكن يساعدها في ده أخ أو أب أو صديق”.
وأضاف: “شيرين لا تعاني من الإدمان في أي شئ قولًا واحدًا، هي مرت بأزمات كبيرة قوي، وكانت تبعياتها صعبة قوي قوي، شيرين راجعة بإذن الله، وبقوة، ومش هترجع شيرين، هترجع سوبر شيرين، عاملة مجهود على نفسها، وبدأت تشتغل على نفسها، بحيث إنها توصل للي هي عايزاه”.
وقدم لها نصيحة: “ياشيرين إنت رجعتي للطريق للي جمهورك يحب يشوفك فيه، كملي، وكلنا معاكي”.
View this post on Instagram
اقرأ أيضًا:
- لماذا كرهت شيرين عبد الوهاب التعليم.. للإطلاع اقرأ هنا
