تراجع الفنان هشام سليم عن الترشح ضمن قائمة رئيس مجلس إدارة النادي الأهلي السابق، محمود طاهر، لكنه تراجع في اللحظات الأخيرة.
وقال الفنان الراحل، أثناء ظهوره في برنامج “هنا العاصمة” الذي أذيع عبر قناة “سي بي سي”: “في ناس كلموني، وقالولي خش معانا في قائمة الأستاذ محمود طاهر، وكنت وافقت مبدئيا، ولكن لما رجعت تاني يوم الصبح، قولتله أظن يا محمود أفضل إني ما أكونش موجود”.
لماذا تراجع هشام سليم عن الترشح في انتخابات النادي الأهلي؟
وأضاف: “وإداريا، محمود الخطيب مشفتوش مسك حاجة إدارية ونجح فيها، إنما محمود طاهر عنده شركته وراجل ناجح، في ناس بتقولي أيام النادي الأهلي كان مديون ومجلس حسن حمدي مشي، كان مشي في الكورة، والمشاكل موجودة عادي”.
واستكمل:” والدي قبل ما يموت، قالي أنا مش خايف غير على حاجة واحدة، قولتله إيه؟، قالي في 40 مليون في الخزنة، بعد 6 أشهر، طلع حسن حمدي قال الخزنة مفهاش فلوس، 40 مليون جنيه، اللعيبة بيع وشراء، ومحدش عارف الفلوس راحت فين؟، أنا لا أذم في حد، إنما بتكلم في واقع فعلا حصل تقالي، احتراما للجمعية العمومية، واحتراما للجمعية أنا مدخلتش الانتخابات، لإن أنا مش هروح لجمعية في عمومية في نادي مدخلتوش بقالي 15 سنة، وأقولهم أنا هبقى معاكوا في مجلس الإدارة، أي واحد هيقولي أنت تعرف إيه عن النادي الأهلي من 15 سنة، فمقدرش أحط اسمي ولا اسم أبويا في حاجة زي دي، لصالح أي حد”.
لماذا تراجع هشام سليم عن الترشح في انتخابات النادي الأهلي؟
وتابع: “الخطيب، الناس بتقولي إنت أزاي بتهاجمه، أنا مش بهاجم الخطيب، ومش أنا اللي هنتخب الخطيب دي الجمعية العمومية، وبعدين الناس ناسية، بتقولوا مبادئ صالح سليم، طيب محمود الخطيب كان مع الفريق مرتجي ضد صالح سليم في الانتخابات، وبعدين مش هقد 20 سنة عشان أخلص حقي من الخطيب يعني”.
يذكر أن الفنان هشام سليم، رحل عن عالمنا اليوم عن عمر يناهز 64 عاما، بعد صرع طويل مع مرض السرطان.
وشيعت جنازة الفنان الراحل من مسجد الشرطة، في الشيخ زايد، وسط حضور عدد كبير من الفنانين.
اقرأ أيضاً
“لم يحضر جنازته”.. كواليس أزمة الفنان هشام سليم ومحمود الخطيب؟
