روت شيرين عبد الوهاب تفاصيل أيامها التي قضتها في المستشفى للعلاج من الإدمان، وذلك في مداخلة هاتفية مع الإعلامي عمرو أديب عبر برنامج “الحكاية” المذاع على فضائية “إم بي سي مصر”.

شيرين عبد الوهاب 

قالت شيرين: ” كل الناس، بشكر اللي قال كلمة حلوة، وبشكر اللي قال كلمة وحشة، لأن اللي قال كلمة وحشة ممكن عشان يكون مضايق عشاني أو مضايق عليا، فأنا بقوله شكرا لحبك ولاهتمامك، حتى ولو افتكرتني بكلمة مش كويسة”.

وأضافت شيرين عبد الوهاب: “كانت أيام صعبة عشان اتاخدت على خوانة، يعني حاجة استغربت لها قوي، وفي نفس الوقت، أنا لما صحيت تاني يوم في المستشفى قعدت على السرير، قولت لنفسي 4 و5 كلمات، قولت أنا قاعدة في مكان أمين جدا، كل الناس اللي في المكان خايفين عليا وبتحبني، وأنا باكل أحسن آكل، وبنام أحسن نومة، وسط ناس بيحبوني، إيه المانع إني مستفدش باللحظات الحلوة اللي هقضيها هنا، وارتاح شوية”.

وتابعت: ” وأنا بقيت كده فعلا بفضل المستشفى، وفعلا الناس علموا فحص لكل حاجة، وبيدوني فيتامينات، ومدلعني، وبقيت أحسن وكويسة جدا جدا”.

أقرأ أيضاً

“لسه بتابع علاجي النفسي” شيرين عبد الوهاب تكشف تطور حالتها الصحية