كشف الفنان عمرو سليم آخر مكالمة هاتفية جمعته بالفنان هشام سليم، أثناء فترة مرضه، وذلك أثناء ظهوره في برنامج “الستات” على شاشة قناة “النهار”.
عمرو سليم
قال: “آخر مكالمة كانت بين وبينه قبل وفاته بحوالي 3أيام، وكان في المستشفى و خايف يخرج، أنا كنت وقتها بعمل بروفات، ومش قادر أروحله في المواعيد المناسبة، مواعيد نومه أنا مش ضامنها، يعني أنا بعمل بروفة في الأوبرا، وهو في 6 أكتوبر، مش هينفع أروح في أي وقت وأصحيه، مش لطيف، فقولت له أجيلك إمتى يا هشام؟، قالي أنا كويس أهو، إنت كلمني، وأنا هشوف أخباري إيه؟ ولما أبقى في الفورمة وهكويس هقولك تجيلي، وخلي بالك من البروفات، عايزينك تكسر الدنيا”.
وتابع: “الحقيقة يعني هو كان شخص جدع وطيب وراجل وتتسند عليه، وفي زمن بقت الحاجات دي نادرة، على أيام أبويا وجدودي كان ده الطبيعي، تربينا كده، اللي مخلي هشام من الناس المتميزة، صفاته مبقاش منها كتير، على فكرة مش عشان ابن عمي، لكن عشان أنا عرفته عن قرب”.
وأضاف: إحنا كعيلة ساعات بنتهم بالعند، لإنه اللي أنا تعلمته من جدي وأبويا وعمامي الاتنين اللي يرحهم، أنت أي حاجة تقرر تعملها اللي هيعود على بالنفع أو الضرر إنت”.
يذكر أن الفنان هشام سليم توفي عن عمر يناهز 64 عاما، بعد صراع مع مرض سرطان الرئة.
أقرأ أيضاً
جائزة نوبل للآداب 2022.. سلمان رشدي وشاعرة كندية وأديب فرنسي أبرز المرشحين
