أكد الفنان عمرو مصطفى على أنه حاول صناعة موسيقى جديدة بشكل مختلف، لكنه لم ينجح.

عمرو مصطفى يكشف عن تعرضه للخيانة والحقد من الوسط الفني 

عمرو مصطفى

وقال أثناء استضافته عبر برنامج “حبر سري”: ” تعبت إن أنا أعلم، وقتي بيضيع، لو إنت عاوزه تبقى رقم واحد، فكري بس في الحاجة اللي بتتميزي فيها، إيه اللي بتميز فيه، التلحين والغناء، أنا مش وظيفتي أني اكون موزع، ومش وظيفتي أني أتعب مع موزع وأقعد أعلمه، صح ولا غلط، مش مهنتي، لو عايز أتعلم التوزيع كنت تعلمته، بس أنا مش مهنتي إني أتعلم التوزيع، بس حاولت أساعد شباب جديدة، اكتشفت إني ده غلط ومش مظبوط، علشان كده، قولت أني مش هحب غير عمرو مصطفى، لإني ضحيت لناس كتيرة، صغيرين وكبار، انهارده محدش يقولي اكتشف شباب جديدة، لإن خلاص وقت اكتشاف الجديدة لأ”.

وتابع: “الشاعر اللي أنا اكتشفته ده، مصطفى ناصر، هو ناجح من غيري، نجح بأغنية اسمها على عيني، أنا جايبه وهو ناجح، مش لسه هكتشفه، ومش هكتشف حد جديد، ساعدت كتير جداد، كانت النتيجة إيه، حقد ونظرة مش حلوة، ما أنا كنت بشتغل بره وكنت زي الفل، حد كان يسمع عني حاجة، موسيقتي ابتدت تنزل، ليه، لإني الكواليتي ابتدا ينزل، طب أنا ليه أجازف باسمي، الشباب دي صغير لسه، مينفعش تتكلمي عن حد تأذيه، فلازم أقول عليهم إيه، أنا ساعدت يا جماعة شباب، عشان محدش يقول إن أنا مساعدتش الشباب، لا أنا ساعدتهم”.

وأضاف: ” دلوقتي أنا سبتهم، نجحوا، كسروا الدنيا، عملوا هدود، جبتلهم جميع أسماء مطربين الوطن العربي، جازف باسمي عشان أطلعهم، كانت النتيجة إيه، مخدتش كواليتي، أنا اللي أذيت عمرو مطصفى، مش هكمل مع أي حد هينزل موسيقتي، أو هيقلل منها، أو إنني أنا آجي على نفسي علشان أساعد حد، عشان محدش يكتبلي إيه، مش هتقف مع الشباب، لا وقفت، كانت النتيجة إيه، ضرب بس، في ظهري”.

عمرو مصطفى تريند مواقع التواصل الاجتماعي

وتصدر الفنان عمرو مصطفى تريند مواقع التواصل الإجتماعي، طوال شهر رمضان بسبب جملته الشهيرة “في رمضان”.

بالعودة لحلقة عمرو مصطفى مع الإبراشي، كان يعلّق على مشهد للفنانة عبير صبري في مسلسل “السيدة الأولى” عام 2014″.

وانتشر تعليق عمرو مصطفى “في رمضان” خلال الفترة الماضية على السوشيال ميديا، وتم استخدامه كـ”كوميكس” من قِبل الكثيرين للتعليق على العديد من المواقف الطريفة في شهر رمضان.

اقرأ أيضاً

عمرو مصطفى يكشف سر كوميك صفحة “إيميليا كلارك”